Pavarësisht situatës së vështirë në terren, Beogradi mbetet i vendosur për ruajtjen e paqes në krahinë dhe në rajon, tha sot drejtori i Zyrës së Qeverisë së Serbisë për Kosovë e Metohi, Petar Petkoviç, dhe shtoi se dialogu është e vetmja mënyrë për të gjetur një zgjidhje kompromisi për të gjitha problemet ndërmjet Beogradit dhe Prishtinës.
Petkoviç ka biseduar me komisionerin special të Ministrisë së Austrisë për Çështjet Evropiane dhe Ndërkombëtare për Ballkanin Perëndimor, Johannes Eigner, për problemet e rrezikuara të sigurisë dhe politike me të cilat përballet populli serb në Kosovë dhe Metohi.
Petkoviç ka folur në mënyrë të veçantë për sulmet fizike ndaj serbëve, duke kujtuar sulmet e fundit ndaj djemve serbë në Shtërpaç dhe Kllokot, sulmin ndaj një djali në Suvo Dol, deri te të shtënat në urën e Bistricës.
Beogradi i ka përmbushur të gjitha zotimet e marra deri më tani nga dialogu, ndërsa Prishtina në anën tjetër ka refuzuar të fillojë procesin e formimit të Bashkësisë së Komunave Serbe për gati 10 vjet, theksoi ai, sipas njoftimit, citon media serbe Danas.
Bashkëbiseduesit u pajtuan se normalizimi i marrëdhënieve është në interes jo vetëm të qytetarëve të Kosovës dhe Metohisë, por edhe në interes të paqes dhe stabilitetit të gjithë rajonit.
